கற்றது கை மண் அளவு

பெரும்பாலும் க்ளிஷேயாக உபயோகப்படுத்தப்படும் பொன்மொழி இது. கற்றது கை மண் அளவு! கல்லாதது உலகலவு! ஆனால் உண்மை.

உங்களுக்கு இப்படித் தோன்றியிருக்கிறதா: நீங்கள் பார்க்கும் நபர், அல்லது உங்கள் அருகிலிருக்கும் உங்கள் தலைவர், அல்லது திரையில் பார்க்கும் மெத்தப் படித்த நபர்கள் இவர்களெல்லாம், உங்களினும் மேலாகப் படித்தவர்கள் என்று எப்பொழுதாவது தோன்றியிருக்கிறதா?! அப்படித் தோன்றியிருக்கும் பட்சத்தில், கற்றது கை மண் அளவு என்ற எண்ணம் கொஞ்சமாவது உங்களிடம் இருக்கும் என்று கட்டாயம் சொல்லலாம். இந்த விவேகம் வெற்றி பெற ஆசைப்படும் ஒவ்வொருவருக்கும் தேவை. ஏன்? பணிவு இருந்தால்தான், இன்னமும் நிறைய செய்ய வேண்டும் என்று தோன்றும், அதுவே ஒரு மனிதனின் நிம்மதியான வாழ்க்கைக்கு ஆதாரம்.

கற்றது கை மண் அளவு கல்லாதது உலகளவு என்பது விவேகம்.

விவேகமும் நற்குணமும் ஒரு வண்டியின் இரண்டு சக்கரங்கள்.